جارناما ورىنى250x250
عالىمدار اشىق اۋادان سۋ جاساماقشى
2016-03-03 01:24:22   كەلۋى:agwgay.com   جازۋشى:agwgay

 امەريكا عالىمدارى ويلاپ تاپقان جاڭا بيوماتەريال اۋادان ءتيىمدى جولمەن سۋ سورىپ الۋعا مۇمكىندىك بەرگەلى تۇر.

بۇل تۋرالى AmericaRU.com اقپارىنا سىلتەمە جاساعان ras.kz حابارلادى.

ولاردىڭ ايتۋلارىنشا، بۇل پلانەتانىڭ كاليفورنيا سياقتى قۇرعاق اۋداندارىندا وسىنداي كوندەنساتورلاردى پايدالانۋعا مۇمكىندىك بەرەدى.

دجون ا. پولسون اتىنداعى گارۆارد ينجەنەريا جانە قولدانبالى عىلىمدار مەكتەبىنىڭ زەرتتەۋشىلەرى جاساپ شىعارعان مۇنداي ماتەريال قازىر ءشول جانە شولەيت ايماقتاردا تۇراتىن تۇرعىنداردى قاتتى قۋاندىرىپ وتىر. شىن مانىندە وقىمىستىلار اۋادان سۋدى كوبىرەك «سورىپ الاتىن» وزگەشە ماتەريال جاساپ شىعارا العان. ولار بۇعان دەيىنگى وسىنداي تالپىنىستاردىڭ بارىنەن ارتىق ناتيجەگە قول جەتكىزگەن.

زەرتتەۋشىلەر بۇعان ەڭ ءبىر اڭىزعاق ءشول جاعدايىندا ءومىر سۇرە بەرەتىن قوڭىزدار مەن كاكتۋس وسىمدىگىنىڭ ارەكەتتەرىن ۇلگى رەتىندە پايدالانىپ باقتى. ماسەلەن، ناميبيا شولىندەگى قوڭىز تاڭەرتەڭ ەرتە، اۋا كوندەنساتى ءوزىنىڭ شارىقتاۋ شەگىنە جەتكەن كەزىندە سۋدى ارنايى مەمبرانالار ارقىلى ارقاسىنان جيناپ الادى ەكەن.

ال كاكتۋستەردىڭ تىكەنەكتى جاپىراعى سۋدىڭ وسىمدىك تىنىنە قاراي وسۋىنە كومەكتەسەتىنگە ۇقسايدى. عالىمدار زەرتتەۋ كەزىندە وسى اسپەكتىلەرگە ايرىقشا نازار اۋدارىپ، اشىق اۋادان سۋ جيناپ الۋدىڭ وزىندىك ءتاسىلىن ويلاپ تاۋىپتى.