جارناما ورىنى250x250
قاتەرلى ىسىكتى ەمدەۋدىڭ جەدەل ءتۇرى تابىلدى
2016-03-03 01:35:10   كەلۋى:agwgay.com   جازۋشى:agwgay

 امەريكالىق زەرتتەۋشىلەر قاتەرلى ىسىكتى ەمدەۋدىڭ جاڭا ءتاسىلىن تاپتى، دەپ حابارلادى www.24.kz.

ماماندار اۋرۋى ابدەن اسقىنعان ادامدارعا تاجىريبە جۇرگىزىپ، 94 پايىز جاعدايدا وڭ ناتيجەگە قول جەتكىزگەن. ەمنىڭ ەرەكشەلىگى سول تىڭ ءادىس ارقىلى اعزاداعى جاسۋشالاردى قايتا جاڭارتۋعا بولادى ەكەن. وسىنىڭ ارقاسىندا اعزاداعى ت-ليمفوتسيتتەردىڭ قاتەرلى ىسىككە قارسى تۇرۋ مۇمكىندىگى ارتادى.

جالپى بۇل دەرتتەن ايىقتىرۋ ءۇشىن الەمدە ءتۇرلى زەرتتەۋلەر جاسالعانى بەلگىلى. الايدا ا ق ش- تىڭ سيەتل قالاسىنداعى تىڭ ءادىستىڭ اسەرى بارىنەن ءتيىمدى كورىنەدى. ايتا كەتۋ كەرەك، ازىرگە جاڭا ەم قاتەرلى ىسىكتىڭ بەلگىلى تۇرلەرىن ەمدەۋگە عانا قاۋقارلى. ءبىراق زەرتتەۋشىلەر الداعى كەزدە وسى ولقىلىقتىڭ ورنىن تولتىرۋدى جوسپارلاپ وتىر.

«ءبىز ت- ليمفوتسيتتەردىڭ ومىرشەڭ ءتۇرىن عانا جاساپ جاتىرمىز. ولار ادام اعزاسىندا وتە ۇزاق ءتىپتى ءومىر بويى جۇرە الادى. جاڭا كلەتكالار يمۋنيتەتتىڭ قاتەرلى ىسىككە قارسى تۇرۋ قابىلەتىن كۇشەيتىپ قانا قويماي، قايتا قابىنۋىنان قورعايدى»، - دەيدى ونكولوگ ستەنلي ريددەلل.