جارناما ورىنى250x250
ايقىن تولەپبەرگەن پروديۋسەرلىكتى قولعا الدى
2016-03-03 01:09:17   كەلۋى:agwgay.com   جازۋشى:agwgay

 

استانا. قازاقپارات - ءانشى ايقىن تولەپبەرگەن وسى كۇنگە دەيىن جيناعان تاجىريبەسىن جاستارمەن ءبولىسۋ ماقساتىندا شاكىرت تاربيەلەۋدى قولعا الدى.

ول ونەرلى قىز بەن جىگىتتىڭ باسىن قوسىپ، «ا» دۋەتىن قۇردى. بۇل تۋرالى juldyz-alem.kz حابارلايدى.

دۋەت قۇرامىندا ونەر كورسەتەتىن 1993-جىلعى ولجاس تا، 1994-جىلعى مارجان دا «جاندى داۋىس» جوباسىندا بولعان تالانتتى انشىلەر. توپتىڭ «ا» دەپ اتاۋىن توپ سوليستەرى پروديۋسەرلەرىنىڭ ەسىمى «ا» ارپىنەن باستالاتىنىمەن جانە «ا» الفاۆيتتىڭ بىرىنشى ءارپى ەكەندىگىمەن تۇسىندىرەدى.

ال توپتىڭ جانرى كوبىنە ليريكا باعىتىندا بولماق. قازىرگى تاڭدا دۋەتتىڭ ەكى ليريكالىق ءانى بار ەكەن. ءبىرىنشىسى باياۋ ريتمدە بولسا، ەكىنشى تۋىندىلارىنىڭ ريتمى جىلدامىراق. توپ جاقىن ارادا كوپشىلىككە بەينەبايان ۇسىنباقشى.