جارناما ورىنى250x250
ءار ەلدەگى قالىڭدىقتاردىڭ توي كويلەكتەرى قانداي بولادى
2016-03-03 01:13:41   كەلۋى:agwgay.com   جازۋشى:agwgay

 وتباسىن قۇرۋ - ءار ادامنىڭ ومىرىندەگى ەڭ ايتۋلى مەرەكەلەردىڭ ءبىرى، اسىرەسە قىزدار ءۇشىن.

وزدەرىڭىز بىلەتىندەي توي الدىندا بارلىق قىزدار ەڭ الدىمەن توي كويلەگىنە كوپ كوڭىل بولەدى. كوپ مەملەكەتتەردە قىزدار تۇرمىس قۇراردا ادەتتەگىدەي ءوزىمىز بىلەتىن اق كويلەك ەمەس، وزدەرىنىڭ سالت-داستۇرلەرى مەن ءدىني سەنىمدەرىنە ساي ۇلتتىق كوستيۋمدەرىن كيەدى ەكەن.

بولگاريا



بولگار قىزى ۇلتتىق توي كويلەگىندە.

تۇركيا



تۇرىك قالىڭدىعى اكەسىنىڭ ۇيىنەن شىعىپ، ۇيلەنۋ تويى سالتاناتىنا اتتاناردا، قىزدىڭ اعاسى نە كوكەسى بەلىنە ىرىمداپ قىزىل باۋ بايلايدى. باۋدىڭ ءتۇسى باقىت، باق پەن پاكتىكتىڭ بەلگىسىن بىلدىرەدى.

شري-لانكا



شري-لانكا قالىڭدىعىنىڭ كيىمى شىعىس جانە باتىستىڭ سالت-داستۇرىمەن ۇقساس كەلەدى. ولار ساپالى جىبەك ماتادان تىگەلگەن ساري مەن ەۋروپا موداسىنداعى فاتانى كيەدى. ال اشەكەيلەرىندەگى تاستار سانى تاق بولۋى كەرەك، ولاردىڭ تۇسىنىگىنشە تاق ساندار قۋانىشتىڭ بەلگىسى.

يندونەزيا



ال يندونەزيا جەرىندە ۇيلەنۋ تويىندا كيەتىن وزدەرىنىڭ ارنايى كيىمدەرى بار. كوبىنە قىزدار اشىق ءتۇستى، ءبىراق تىگىسى وتە كۇردەلى كويلەكتەردى كيەدى.

پاكىستان



پاكىستاندا قىزدار ۇيلەنۋ تويى سالتاناتىنا قانىق قىزىل، القىزىل جانە كۇلگىن ءتۇستى كيىمدەردى تاڭدايدى. ال باستارىنا كۇيەۋ جىگىت پەن قالىڭدىق بيسەردەن جانە ماقتا جىبىنەن جاسالعان ۇلتتىق گيرلياندانى كيەدى.

ءۇندىستان



ءۇندى قىزدارى كوبىنە قىزىل ءتۇستى ۇلتتىق لەحەنگا-چولي كيىمىن كيەدى جانە ونى باسىنان اياعىنا دەيىن 16 اشەكەيمەن ساندەيدى.

نۋبيا



نۋبيالىق قالىڭدىق اشىق ءتۇستى ورامال تاعىپ، بەتىن جاۋىپ تۇراتىن پەردە جانە باسىن جاۋىپ تۇراتىن اق فاتا كيەدى.

ەريترەيا



ءداستۇرلى ەريترەيلىكتەردىڭ توي كيىمىندە قارا تۇستەس ءتاج بەن التىن كەستەلى كۇلگىن كويلەكتەر كيىلەدى. قالىڭدىقتىڭ كيىمى مىندەتتى تۇردە كۇيەۋ جىگىتتىڭ كيىمىمەن ۇيلەسۋى كەرەك.

تۋۆا رەسپۋبليكاسى، رەسەي



تۋۆيندىكتەردىڭ ۇلتتىق كيىمى ولاردىڭ كوشپەندى حالىق ەكەندىكتەرىن بەينەلەيدى. ولاردىڭ توي كيىمدەرى ءتىپتى ات ۇستىندە جۇرگەنگە دە ىڭعايلى.

تيبەت



تيبەتتىك كۇيەۋ جىگىت تويعا ءبىر كۇن قالعاندا ءوزىنىڭ قالىڭدىعىنا كويلەك پەن اشەكەيلەردى الىپ كەلەدى. توي كيىمدەرىنىڭ قاتىرىندا باس كيىممەن قاتار، مەتالدان جاسالعان بۋددا ءمۇسىنى دە بولادى.

پالەستينا



پالەستينالىق قالىڭدىق رەسمي راسىمگە ءساندى اق كويلەك كيەدى، سونداي-اق قىزدا اناسى ارنايى توي ءۇشىن قولدان تىگىپ بەرگەن كويلەگى دە بولۋى كەرەك.

پەرۋ



ليما قالىڭدىقتارى قىزىل-قارا ءتۇستى كويلەك كيەدى.

يوردانيا



مالي



ماليدا قالىڭدىق «كافتان» دەپ اتالاتىن كيىم كيەدى جانە قالىڭدىق پەن كۇيەۋ جىگىت كيىمى ءتۇسى سايكەس كەلۋى كەرەك. ماليلىقتار كوبىنە اق ءتۇستى، كەيدە كۇلگىن جانە لاۆاندا ءتۇستى كيىمدەردى ءجيى تاڭدايدى.

كورەيا



مىڭداعان جىلداردان بەرى كارىس قالىڭدىقتارى ءداستۇرلى حانبوك كيىمىن كيەدى.

جاپونيا



جاپوندىق قالىڭدىقتار اق كيمونو مەن ارنايى جىبەكتەن جاسالعان tsunokakushi باس كيىمىن كيەدى.

نيگەريا



يراك



يراكتىق قالىڭدىقتار توي كەزىندە كيىنۋدەن رەكورد ورناتۋدا. ولار مەرەكەدە كەمپىرقوساقتىڭ تۇسىندەگى جەتى ءتۇرلى ءتۇستى كيىمگە كيىنەدى. قىزىل ءتۇس ماحاببات پەن رومانتيكانىڭ بەلگىسىن بىلدىرەدى.

يتاليا



يتاليادا قالىڭدىقتار جاسىل ءتۇستى ساتتىلىك پەن باقىت اكەلەدى دەپ ىرىمداپ، جاسىل كويلەك پەن اشەكەيلەردى تاعادى. ءبىراق كوبىنە اق ءتۇستى توي كويلەگىن كيەدى.

قازاقستان



ەلىمىزدە قازاقتىڭ ءار قىزى ۇلتتىق ويۋ-ورنەكتەرمەن ورنەكتەلگەن اق كويلەك پەن ساۋكەلە كيەدى. سونداي-اق، ۇلتتىق ناقىشتاعى اشەكەيلەردى دە ۇمىتقان ەمەس.

گۇلجان رامانقۇلوۆا